咇咇……咇咇……咇咇……咇咇……

智能手機的紅外線探測器，意外發出震耳欲聾巨響，驚動了「圍搵」小弟的解放軍。Shit，國產小米（國米）出到第32代，一樣係信唔過。保守估計，我們已至少避開了五個解放軍哨站，終於抵達大帽山山頂，看到「巨波」在耀武揚威。

「再唔快啲，港人命運就係咁大。」朱博士跟我說。「等我引開班解放軍，你爭取時間跳入蟲洞。」「咁你點？」「乜你冇聽過蝴蝶效應？如果你返到去以前，話唔定改變歷史！」說罷向解放軍狗衝，即獲贈一個五花大綁。

GroundControltoMajorTom……
GroundControltoMajorTom……

手機重覆播放着70多年前DavidBowie的《SpaceOddity》，畢竟，就只有這首歌能反映此刻心情。但我從沒想過我會是MajorTom。

Three,Two,One,Liftoff！我墮進蟲洞，來到第五次元。OMG，朱博士冇呃人，《Interstellar》不是科幻片，這世上真的有第五次元。我利用念力將時間重組，chup一聲返回32年前的香港，一個還有私隱、還有言論自由、還有人敢於表達不同訴求的香港。

執達主任正在清場。然後我找到昔日的朱博士，他坐在電腦前做鍵盤戰士，並在高登的《解放軍「巨波」監聽港電話》帖子上留言。

「你估拍《紅Van》咩，邊有咁多監聽呀！」朱博士是典型政治冷感type，表面上反對一切社會運動，因為「阻住搵食」，但若然自由被限制，他又會毫不猶豫地反抗。

我很想說，在2046年的香港，監聽鋪天蓋地。港人只容得下一把聲音，沒有人願意或夠膽講真話，就算明知是毒奶粉都照飲、就算明知是豆腐樓都照住、就算明知是假新聞都照信。在以言入罪的年代，真假已沒有分別，大多數人只求自保及果腹，靈與慾已消失了。

我很想說，是未來的他不甘私隱被侵犯、不甘言論自由被剝削，才開始鑽研第五次元學說，然後在2046年，終於在大帽山巨波附近找到蟲洞，委派我來拯救過去的香港。

而我，當然睇過AshtonKutcher套《連鎖蝶變》，少少的歷史改變會影響後世巨變，貿貿然洩露身份，我隨時返唔到2046。但為了港人命運，我甘願賭下人生最大一鋪。經兩小時唇舌，朱博士終於相信我是未來人。我們上演《激戰》經典一幕。

朱博士：「你癲夠未？我都唔明你講嚟做乜！」
我：「朱仔，我呢個年紀，仲有嘢需要人明咩？黃絲瞓身去佔中，佢哋冇輸到呀，佢哋做到佢哋想做嘅嘢架！」
朱博士：「咁你又為乜呀？」
我：「32年前，我以為個世界係我架！原來世界都唔等人嘅，我唯一做到嘅，都畀自己出賣埋！」
朱博士：「我同你講呀，洩漏天機死得人架！」
我：「我呢三十年乜都冇做過呀！我唔想熄燈嗰陣，連一件記得嘅事都冇呀！我仲有嘢輸咩？唔緊要啦！贏又好輸又好，過去都返唔到嚟。其實我同好多港人一樣，都係想為自己做返一件事啫。」

其實，當時我進入蟲洞，我自己都好驚，但我同自己講我做到嘅。

Hellodarkness,myoldfriend.
I'vecometotalkwithyouagain.
Becauseavisionsoftlycreeping.
LeftitsseedswhileIwassleeping.
Andthevisionthatwasplantedinmybrain
stillremainswithinthesoundofsilence.

2046年，大帽山「巨波」。

朱博士和一眾解放軍在列隊歡迎我的歸來。「熱烈恭賀MajorTom強勢回歸！」我望着白髮蒼蒼的朱博士，再看看手上的iPhone32，彼此相視而笑。

還是可愛的香港。

完


撰文：杜秋棠＠抽水站
https://www.fb.com/freakingwestlook