明晚（27日）第五場三班2200米，有同程賽績支持只得「事勝意」，好開的「合拍威龍」、「美麗經典」、「喜蓮彩星」及「活力名駒」，一係無谷草績支持，便無此程賽績，擺明係亂局！睇表面，無谷草績，又無長途績支持的「悅裕」條件似更次，其實與上述數駒相比，根本差唔遠。

再者，睇過上仗田草2000走勢，無再懷疑牠長力不足，轉到谷草兼再增程，有信心牠可應付。何況今次還有兩樣變數，一是唞夠操足，二是換人，先講跑完上次後，相隔今戰足有一個月，說長不長，告東尼竟還再安排試大閘，反映全無退縮之意；而早前試1200米泥閘，喜見出閘唔慢，跑過600米更竟唔脫節，小休狀態比前有好無差。

另一變數是由潘明輝改配何澤堯，前者唔係唔好，但遇上「悅裕」這種懶鬼，明顯未夠硬淨，省佢唔起，上仗就太遲撻着，有勢追近都無用，也因此認定牠確有足夠長力；今次改用何澤堯，騎式、騎法、硬淨感都唔同，睇埋季初11月人馬初遇，跑谷草一哩得第四表現，幾肯定會比潘明輝騎得更好。

第八場三班1650米，新勝馬有「心中有您」、「有備而來」及「小米周」，論姿態、段速，「有備而來」唔止高半級，計埋加磅，更加着數！這場因頭、尾「連利之星」與「平海飛星」只差11分，前駒74分掛頭牌，令不少馬出現加磅與加分唔相稱，一來一回，令「有備而來」變得更惡。

既然上次超快步速「有備而來」走二疊都贏，更唔係贏一批三班水馬，同場跑二、四、七名馬「歡喜心」、「福愛寶」及「雷公鑿」再出交到1W2P，「有備而來」只加6磅再來，點會唔惡？

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV