日本女子組合桃色幸運草Z嘅22歲成員有安杏果日前宣佈退團，昨晚佢喺千葉幕張嘅桃草演唱會上作最後演出，在現場3萬歌迷見證下正式結束多年嘅偶像生涯，並會退出藝能界。

有安杏果由童星身份入行，今次佢決定離開藝能界，係希望可以過普通女孩子嘅簡單生活，今後會離隊及與事務所結束合約，桃草就會改以四人組合繼續發展。昨晚係桃草最後一次五人姿態同台，有安杏果在騷前都有偕隊友見傳媒並接受訪問，而今次演出過程亦未見傷感，有安杏果希望以燦爛笑容告別歌迷，不過最終都係顯得眼濕濕。此外，有安於3月15日便23歲生日，到時其官方網認亦會從此關閉。

精選娛聞，喺晒《娛果》
http://fb.com/appledailyent