電視劇界嘅盛事艾美獎現正舉行，大勝嘅《Big Little Lies》唔單止攞到男配角、導演獎，身兼監製嘅女主角妮歌潔曼（Nicole Kidman）仲奪得迷你影集/電視電影最佳女主角，首奪艾美視后！佢於台上多謝好拍檔麗絲蕙絲潘（Reese Witherspoon），仲喊住咁多謝自己2個小朋友，希望佢哋明白體諒自己，好多晚都唔可以陪佢哋入睡，係因為佢為咗呢樣嘢而努力，佢會將個獎放於女兒們嘅書櫃。另外劇集仲得到最佳迷你劇集，麗絲蕙絲潘就多謝大家支持女人，妮歌潔曼就希望大家正視劇集所講嘅家暴問題。

而劇情劇集《The Night Of》Riz Ahmed就竟然爆大冷贏出迷你影集/電視電影最佳男主角，憾贏憾贏男神班尼狄甘巴貝治（Benedict Cumberbatch）同羅拔迪尼路。