唐寧誕女湊好字
「真係好開心」
蘋果日報 2015/01/18 00:00
唐寧日前誕下一名女兒，母女平安。四年前與舞台劇才子鄧偉傑結婚的唐寧，已育有一名三歲大兒子俊俊，日前再為家庭增添新成員，她昨日接受電話訪問時說：「真係好開心，BB係早幾日出世，本來諗住順產，其實生兩胎都想順產，我係穿羊水入院嘅，痛咗十幾個鐘頭，一路喺度等，但個位都係爭啲，又唔可以等得太耐，為咗BB安全着想，醫生建議開刀。」唐寧透露老公有陪入產房，並拍下生BB過程，至於囡囡名字還未想好。
唐寧與老公鄧偉傑結緣於舞台劇，現在已成了四口之家。資料圖片
唐寧錫錫囡囡，大晒幸福。
唐寧囡囡日前出生，母女平安。
貼腳仔相報喜訊
昨日唐寧在微博公佈喜訊時，上載了BB女的腳仔相片，但B女右腳掌貼了膠布，唐寧表示囡囡出生後要抽血檢驗，只是一般正常程序。現在已回家坐月的唐寧謂：「今次搵咗個陪月，第一胎咁啱個朋友幫我，雖然隔咗咁耐，但應該好快pick up到。」
俊俊榮升哥哥，唐寧笑指兒子很興奮，之前已不時問妹妹何時出世，她說：「雖然俊俊做咗大哥哥，但我唔想畀大嘅壓力佢，用分享方式一齊去認識妹妹。」問到何時可以復工？她說：「休息吓先，想餵長嘅時間人奶，除非有特別工作，唔急嘅。呢胎還好，因為想順產生，特別控制住個體重，所以生完都唔係好大隻，應該好快keep番個身形。」
採訪：魯萍
俊俊榮升哥哥，唐寧笑指兒子很興奮，之前已不時問妹妹何時出世，她說：「雖然俊俊做咗大哥哥，但我唔想畀大嘅壓力佢，用分享方式一齊去認識妹妹。」問到何時可以復工？她說：「休息吓先，想餵長嘅時間人奶，除非有特別工作，唔急嘅。呢胎還好，因為想順產生，特別控制住個體重，所以生完都唔係好大隻，應該好快keep番個身形。」
採訪：魯萍
榮升哥哥的俊俊抱着妹妹，笑容燦爛。
唐寧在微博上載了囡囡的腳仔相報喜。