飛魚王子方力申（Alex）最近推出大碟，早前他到旺角及尖沙嘴巡視自己的廣告板之餘，又到勝利道的寵物店看狗仔，因為他打算新唱片成績好的話，便會買一隻小狗獎勵自己。

方力申最新個人大碟《True》已於早前推出，當中《好心好報》的播放率頗高。Alex日前專誠到旺角家樂商場巡視自己的大型廣告板，之後他更趁機會到附近的熟食檔「掃街」，不少途人要求與他合照，Alex不但逐一滿足fans要求，還請了一名女歌迷食燒賣，大冧fans。

「公司緊張我」
Alex在旺角玩了一輪後，便到尖沙嘴清真寺前的一個巴士站看另一個廣告板，他見到各同事的心血後表現得十分興奮，Alex說：「我等咗年半先再出碟，公司所有同事都花咗好多心機去幫我，所以今日見到有咁多大型嘅廣告板，我覺得好開心，一來覺得公司好緊張我，二來我會提醒自己一定要畀心機做嘢。」

「好想養狗仔」
原來Alex很喜歡狗仔，所以當日他抽空到寵物店視察一番，他說：「我一直都好想養狗，如果今次隻唱片有好成績嘅話，我都諗住買一隻狗仔獎勵一下自己，不過我又好怕自己冇時間去打理佢。」
採訪、攝影：李珮洳