巴塞隆拿喺歐聯16強逆轉淘汰巴黎聖日耳門嘅經典場面，相信唔少球迷仍然歷歷在目，球會亦當然冇吝嗇犒賞一班功臣，中場拿傑迪錫喺周四就啱啱續多兩年約，將會續留巴塞至2021年！

呢位28歲克羅地亞中場今季面對安達高美斯同丹尼斯蘇亞雷斯等隊友競爭，直至近期先做番正選，今季各項賽事上陣37場入6球。據報曼城領隊哥迪奧拿一直有意招呢位巴塞舊部過英超，但新合約加入咗1.25億歐元（約10.3億港元）嘅買斷條款，相信哥帥可以打消念頭啦！