《雷神奇俠3：諸神黃昏》（Thor：Ragnarok）鐵定本周四上映，主角基斯漢斯禾夫（Chris Hemsworth）日前接受本報獨家專訪，基斯談到近期熱烘烘嘅荷李活性醜聞，雖然佢冇被性騷擾，但就自爆曾被記者要求剝衫，當被問到有冇計劃再添丁，已經有三個仔女嘅基斯即刻話：「夠喇！」

近日電影大亨Harvey Weinstein爆發性醜聞轟動國際，估唔到「雷神」基斯都曾面對剝衫嘅無理要求！「首先，我替那些受到騷擾的女星們可惜，早前我接受一本雜誌訪問和拍照時，攝影師也要求我脫下上衣，我也覺得好奇怪，因為事前我沒有同意也不知道有這樣的安排，我能深感那些女星們的感受，在這行業內生存不是容易的事。」另外佢又講到今次同影后姬蒂白蘭芝（Cate Blanchett）合作，估唔到基斯咁大隻都會驚咗姬蒂。「初時有點膽怯！也有點不能相信的感覺，自己可和姬蒂合拍這部電影，她很Cool，對工作的態度很熱誠和認真。」

基斯雖然大隻又瀟灑，但出名錫老婆，仲有3個好可愛嘅仔女，唔知佢仲有冇計劃生多個呢？「夠啦！現在很好，我也開始教他們滑浪，孩子們很愛戶外活動，在澳洲家中有海灘和馬匹，他們整天都在家外跑來跑去，我現在期望可有一天跟所有孩子們出海滑浪呢！」