張敬軒今日在尖沙嘴為新歌《YOU》宣傳，吸引近二百粉絲到場。越來越愛搗蛋的他與歌迷玩遊戲時，用眼線筆在女歌迷面上簽名，又與男歌迷齊齊穿上假爆肌衫，扭屁股「曬肌」，場面搞笑。

張敬軒表示上一張唱片已獲八星期銷售榜冠軍：「應該有金唱片銷量，終於可以安樂派新歌。」早前他表示如新歌MV的點擊率達二百萬，便半裸跳舞，張敬軒說：「開始有啲淆底，半裸我未驚過，放馬過嚟。不過真係要操弗啲，費事到時一堆堆救生圈出晒嚟。」他透露已積極操肌，每星期要加至四堂：「有日真係練到差啲休克，不過要還嘅，之前咁放縱係咁食宵夜。」

張敬軒透露媽媽日前特地來港探望：「我有哮喘，佢成日煲海馬湯畀我補腰，又試過煲紫河車、蠍子嗰啲。我成日諗，如果我阿媽係哈利波特嘅年代，佢應該係女巫，因為佢成日好多偏方煲畀我飲。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef