地產多聲道：
乙級商廈呎租五蚊選擇多
蘋果日報 2003/06/05 00:00
本港寫字樓租金後市點樣，業界仍然係睇跌，但好多時市場注意力來來去去都係喺幾幢指標商廈身上。蘭西最近收到卓先一份刊物，裏面就提到一啲乙級商廈放租叫價個案，好多放盤呎租幾蚊就有交易。
上環嘅勝基中心，淨呎租五蚊已經有得租，同區南和行大廈，都係五蚊呎。永樂街235商業中心，呎租五蚊起，租客重有三個月管理費送㖭。
中區情況又點呢，標華豐集團大廈淨呎租五個半起，另美聯透露，上環永安集團大廈，高層都係五蚊呎有交易喎。
灣仔區放盤叫價呎租最平六蚊，例子有群策大廈同中港大廈。北角區嘅秀明中心，放盤呎租全區最平，只係四蚊。啲寫字樓租金平成咁，想減低租金成本嘅公司，睇嚟可以有大把選擇，慢慢揀到啱為止。
上環嘅勝基中心，淨呎租五蚊已經有得租，同區南和行大廈，都係五蚊呎。永樂街235商業中心，呎租五蚊起，租客重有三個月管理費送㖭。
中區情況又點呢，標華豐集團大廈淨呎租五個半起，另美聯透露，上環永安集團大廈，高層都係五蚊呎有交易喎。
灣仔區放盤叫價呎租最平六蚊，例子有群策大廈同中港大廈。北角區嘅秀明中心，放盤呎租全區最平，只係四蚊。啲寫字樓租金平成咁，想減低租金成本嘅公司，睇嚟可以有大把選擇，慢慢揀到啱為止。
形象百變嘅長實執行董事趙國雄，每次見傳媒都滔滔不絕，講吓樓盤同經濟大市，以至佢嘅收藏嗜好太陽眼鏡等等，噚日佢喺港台回應主持嘅提問，第一次透過大氣電波，講集團領袖香港首富李嘉誠。
對於老闆李嘉誠，趙國雄讚不絕口。佢話:「（李嘉誠）佢好平易近人，有咩事大家都可以坐低傾談，冇乜鬧人，又願意聽人意見，唔會等問題出現先去了解事件，而係事前處理……」
趙生下個禮拜會應香港商會邀請，去新加坡演講，除講解集團未來賣樓策略，重有就係推介本港將發售嘅樓盤，以佢嘅魅力，睇怕都會吸引唔少捧場客。
「沙士」疫情最差嘅情況終於過去，慘遭打擊嘅飲食、零售業，生意開始逐步復原，有食肆重租番之前放棄嘅舖位重操故業，租金重平咗兩成㖭。
中原黃偉基講，日本料理店久兵衞，原本租用灣仔兩層近四千呎嘅舖位，租約喺4月屆滿，當時疫潮嚴峻，東主擔心經營環境惡劣，決定唔續約，結業走人。5月疫情放緩，加上有新股東加入，便租番原址復業，租金由原本十五萬，減至十二萬。
另外，荃灣南豐中心十幾間賣口罩嘅零售店舖，中原黃金鳳講，已經改為售賣平價女裝鞋，蘭西真係佩服香港商人轉得極快嘅頭腦！
美記實行買家免佣優惠，希望推動二手成交。蘭西就聽到個同佣金有關嘅真實故事，一名新界業主，喺幾個月前將單位放盤，初期冇乜人睇樓，近期就多番啲，最近個代理同佢講，話樓價低殘，希望業主可以畀多啲佣，加到1.5至2個佣。
代理重話，𠵱家有啲業主已經畀到呢個水平，個別甚至重高啲。樓價跌，代理做成交易收到嘅佣金一定縮水，假如只係收單邊佣就重少啲，難怪經紀為拉上補下，游說賣家畀多啲佣啦。
上海發生爭認土地擁有權事件，結果要鬧上法庭。
事緣呢幅喺靜安區南京路附近嘅地皮，原本批咗畀星資公司上海萬衡商貿有限公司，為期四十年，後嚟另一家上海鼎安置業有限公司又話有該地嘅使用開發權，要萬衡搬走，賠償額就只係市值四分之一。
萬衡向法院尋求仲裁，結果一審敗訴，聽講會上訴，件事點埋尾，暫時未知。內地政府咁致力搞好經濟同對外形象，希望唔好俾呢單糾紛搞到失晒分。
蘭西
電郵地址：
有咩事大家坐低傾，唔好擺喺心度。
李嘉誠 設計獨白
灣南豐中心