《2017年中國小姐大賽總決賽》今晚就喺嘉里酒店舉行，陳妙瑛為呢個活動擔任評委，周美欣就會上台表演，今年嘅造型化妝就由陳妙瑛嘅公司擔任，之前一班中國小姐以泳裝示人，但係當嘅時化妝就被網民指好「突出」，陳妙瑛作為今日嘅造型化妝公司老闆，佢就話：「其實上次嘅化妝就唔係我哋公司事做嘅，喺度澄清番先，其實一班佳麗嘅質素都幾好嘅，只係唔知點解當中嘅化妝造型有啲畫蛇添足嘅感覺，今日一班佳麗就會以最好嘅一面、國際化嘅表現示人。」

陳妙瑛又話一班佳麗經過佢哋嘅化妝之後都好靚，加上大部分佳麗們都比較高挑表膚都好好。講到選美嘅準則，佢就話：「我會首先揀靚，有笑容同氣質會更加優勝。」

喺選美開始之前，大會就播出中國國歌，全場起立。

更多娛聞，喺晒《娛果》
http://fb.com/appledailyent