香港樓價之高，令不少市民難於上車，但排隊輸公屋，可供選擇單位中，佔1/10竟是凶宅。其中，順天邨天琴樓2114室於半年內，所有住客離奇去世，雖謂非死於單位內，但都好邪。事件經本報報道後，讀者反應各異，膽生毛的便認為「日日都有人去世啦，按比例安老院仲多，靈界人仕四周圍都有」、亦有網民搞笑地建議：「如恢服死刑，呢間屋可做刑場噃」。

其實，香港唔少人住劏房，居住環境不見得理想，「住兇宅好過瞓街喇」、「喺香港無樓住仲慘過去死」，確實是唔少港人的心聲。但有讀者提出，順天邨呢間咁邪的凶宅，其實可以做恐怖電影題材。說不定，會有不少市民對它的歷史，好有興趣。單單門牌「2114」都已經令人不安了...

動記者今日會出動，繼續走訪公屋凶宅這單新聞，想知多啲，請緊貼「即時新聞」。