當年今日
關於我們

【最後24小時】賭王病情反覆 二三四房太太全留守陪最後一夜

蘋果日報 2020/05/26 00:00

陳婉珍賭王何鴻燊梁安琪藍瓊纓

98歲賭王何鴻燊今午約1時病逝,這半年內賭王病情反覆,昨午開始傳出命危,延至今日離世。這24小時內,賭王家人也夠煎熬,因為病情反反覆覆,據知情者透露,「一位成百歲老人家,身體機能已經好差,佢中風後要食薄血藥,搞到腎衰竭要成日洗腎,每次洗腎又搞到心臟頂唔順,又搶救番,然後終有一日佢身體機能再頂唔順就熄燈!佢屋企人已好盡力延續佢嘅生命,噚日佢一度救番冇事,屋企人都以為仲可以頂住。」結果有部份家人離開醫院,估不到離開醫院後,到凌晨又接到醫院電話指賭王危殆,二房藍瓊纓(Lucina Ho)、三房陳婉珍及四房梁安琪,3位太太都通宵留守,陪賭王走人生最後一夜。
院方通知賭王家人盡快回去醫院,指賭王情況又告急,醫生已盡力搶救中,一直處於昏迷狀態的賭王,已經失去意識,需要依靠儀器維持生命力,但又沒想到心跳又停頓了要急救,有消息指賭王曾打多支強心針保命。知情者表示:「醫生夜晚已知會家人親友,叫他們有心理準備,賭王可能捱唔過今日,想見佢嘅親友就盡快到醫院見佢最後一面,所以今日凌晨四房嘅人全部都去晒醫院陪賭王走埋人生最後一段路,結果捱到下晝離開人世。雖然賭王死前已經冇晒意識,但佢喜歡熱鬧,咁多家人喺醫院送佢上路,佢應該會好安慰。」今次賭王除了老人病,還有被細菌感染,港大醫學院微生物學系講座教授袁國勇也有參與醫治。
empty