金像影帝羅拔迪尼路（Robert De Niro）曾公開鬧爆特朗普（Donald Trump），如今特朗普勝出大選成為美國新一任總統，羅拔迪尼路表示可能要搬回老家意大利居住！

羅拔迪尼路於大選前已多次鬧爆特朗普，形容對方係「豬」、「小流氓」同埋「白痴」。在特朗普勝出大選後，羅拔迪尼路出席美國廣播公司一個清談節目時笑笑口話：「我可能要搬返意大利」。羅拔迪尼路嘅曾祖父母於1890年從意大利小鎮費拉辛盧移民美國，而呢個只有3,000人居住嘅小鎮，市長就話歡迎羅拔迪尼路隨時返回家鄉。

羅拔迪尼路於大選前曾講過好想打特朗普一拳，佢上清談節目表示依家唔可以打對方，因為要尊重總統職位，不過就補充話：「或許當奧巴馬見到特朗普時，可以打他。」