當然啦,之後佢都好認真咁報番9日天氣預測,例如嚟緊五一勞動節假期天氣係點,係咪令你特別期待放假呢?唔知係咪因為Akina好耐冇報過天氣,一開始講溫度都有少少口窒,但依然淡定,風範如昔。睇完氣溫,再睇埋衞星雲圖同戶外天氣實況,同樣難唔到佢,報道時仲七情上面,難怪有網民睇完條片都大讚佢「好生動」。
報完天氣,Akina都好謙咁講要喺錄影廠綠色chroma key背景前面,靠射喱眼望向鏡頭外一部小電視,先知自己有冇企錯位、讀錯嘢,都真係唔容易㗎!報完一輪天氣,天文台長岑智明同樣走上幕前,原來係宣佈天文台計劃明年春天開設官方fb,同大家網上交流一次,仲話要由Akina教天文台玩fb,唔通……Akina真係會落戶天文台,日日同你報天氣?
李八方