網民Didi的老闆就曾經透過手機向同事「求救」,原來有急事吩咐,「有次男老闆去咗廁所冇廁紙,打手機入office,叫佢個心腹拎卷廁紙救佢,全公司呆晒,老闆出返嚟,大家忍笑忍到死。」網民涼子也有類似經歷:「我老細都試過呀!嗰次得我同佢喺公司,佢大叫同我講無廁紙,真係笑到我趴喺度。」
除了廁所無廁紙出洋相外,原來有不少老闆都因為講普通話鬧出不少笑話。「我以前個老細,成日開住speaker同個客傾電話,又會打開房門,有次講講吓,個客同我老細講,叫佢不如講普通話啦,我哋聽唔明你講乜,我老細跟住答個客話:『我一直都係講緊普通話㗎!』就因為佢呢句,我哋大笑咗好耐。」