泳兒遭Call車司機要求將愛犬放車尾箱 決心買車自己狗仔自己載
蘋果日報 2020/12/01 17:21
泳兒溝渠暢泳新城勁爆頒獎禮Call車
泳兒今日到黃埔新城電台宣傳新歌《溝渠暢泳》及為新城勁爆頒獎禮拉票。
泳兒今日到黃埔新城電台宣傳新歌《溝渠暢泳》及為新城勁爆頒獎禮拉票，面對第4波疫情爆發，泳兒都加強防疫措施，首先是檢查家中是否有足夠口罩存量，她指家中只得3盒供3人用，所以都要入貨。另外原定相約朋友聚餐，也因疫情問題而取消。
政府早前放寬家屬每周1次到療養院探望留院病人，泳兒媽咪因中風而入住療養院一段時間，但同樣因疫情嚴重了而取消探望安排，她說：「而家惟有用返視像，雖然唔知媽咪知唔知道。之前探得都係畀爹哋去探，因為佢好擔心媽咪，同埋只可以固定1個人探。」泳兒近日睇二手車中，因為希望可以接載父親前往探望媽咪，再者帶狗仔外出也方便點，她說：「平call車好多都唔載狗仔，因為怕狗毛，試過1次肯載，但要放車尾箱，根本係虐待，我寧願抱住行都唔坐架車，就令我下定決心買車。」原本昨日差點買車成事，可惜車主最後轉售他人，泳兒笑言可能上天想她再練熟點駕駛技術才買到車。
另外，同樣到新城拉票的曾樂彤透露，最近見過蔡明恩（Jessica）@Super Girls， Jessica因去過爆疫的米芝蓮三星意大利餐廳食飯而要檢測，曾樂彤說：「我約佢係早2星期，知道佢哋檢測結果係安全，都係虛驚一場，同哩佢好小心，返屋企一定即時換衫，所以我唔係特別擔心。」
至於拉票，曾樂彤沒有太大期望，只希望人人健康，減少活動及娛樂。她說疫情下有更多時間寫歌，稍後會派今年第3首派台歌，明年初再派多首，至於出碟計劃留待公司安排。第4波疫情亦影響到她工作工作，原定本月中拍的廣告要延期到1月。
泳兒到黃埔新城電台宣傳新歌《溝渠暢泳》及為新城勁爆頒獎禮拉票。
政府再次收緊防疫措施，泳兒要靠視像探住療養院的母親。
泳兒曾被call車司機要求將愛犬放入車尾箱，令她想買車。（IG圖片）
曾樂彤受第4波疫情影響，本月中的拍攝工作要押後至1月。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！