回想大半年來,每當有表達訴求的活動,她都趕去幫忙,還會兼顧「39mrunfor721」活動,「呢一年好難捱,因為投入運動,我一收工就做FA(first aid),有時通宵做FA第二日返屋企換件衫就返工,真係冇休息時間,身心交瘁」,但她仍自覺有責任出去,「就算喺屋企個腦都係咁諗出面有幾多人受傷,有冇人做包紮,其實都休息唔到」。她透露懷疑因為吸入過多催淚彈,感到身體變差,「可能食得太多TG,身體開始有變化,甩頭髮,荷爾蒙變化亂咗,皮膚不斷起疹,好似吸毒者嘅皮膚,反映咗佢哋(警察)用嘅TG真係好毒」,愛美的阿寶邊摸頭髮,邊說最近衝突減少,頭髮才漸漸長回來。
阿寶不好意思道,反送中事件前,自己是一名「港豬」,即使是六四燭光集會,也覺得與己無關而鮮有參與,但在反送中運動後,親睹無數年輕人被警暴打至頭破血流,她開始明白,紀念六四的重要,尤其連監警會都推出《逃犯條例》專題研究報告,稱7.21是白衣人襲擊黑衣人,「佢(白衣人)唔止打黑衣人,係無差別攻擊市民」,阿寶直斥報告荒謬,會誤導較少上網的老一輩,以為報告真確,而且這報告將成歷史文獻,「若干年後,我哋嘅後代完全唔知呢件事係點,淨係信嗰份報告囉,佢根本係篡改緊歷史,隱瞞歷史」,就如年輕一代中國人不了解六四事件。
回顧警方對7.21的回應,最先有時任元朗警區助理指揮官(刑事)游乃強稱不見白衣人持械;警務處總警司(策劃及發展)李雅麗到立法會謊稱7.21拒開警署是因為有人扔汽油彈;警察公共關係科高級警司江永祥曾指事件是「一班人帶一班示威者入元朗而牽引整件事」,到早前警務處處長鄧炳強故意扭曲7.21時序,阿寶認為,當警方與監警會報告以謊言淡化7.21的嚴重性,人們更需要以行動記錄事件,「一日未有公義,一日我哋都會照跑,呢個係我哋香港人嘅責任」。
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
【六四31】 專頁
毋忘初心 悼念英魂
結束一黨專政
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體(中文)」大獎
-----------------------------
App內1-Click訂閱《蘋果動新聞》
按此了解更多