蕭正楠同黃翠如今日情侶檔喺青衣城出席活動，佢哋同觀眾大玩遊戲。蕭正楠透露中秋節將同曹永廉、胡定欣等去瑞士開工，翠如即笑謂：「唔緊要啦，你大時大節多數都同阿廉過㗎啦！」

颱風山竹襲港，蕭正楠同黃翠如計劃喺屋企打邊爐，黃翠如話忙住拍劇開工，冇時間黐窗，蕭正楠即搞笑話：「我有7、8卷膠紙呀，諗住原價賣出去。」蕭正楠仲自爆有時屋企得返一隻蛋、一條腸，寧願出街食都留返畀翠如，蕭正楠笑謂：「阿廉買餸叫佢幫手買埋。」身旁嘅黃翠如話：「呢兩日去佢屋企住啦，佢會接濟我哋呀。」

另外，講到陳展鵬下月結婚（新聞連結： https://bit.ly/2NhZjUt ），同佢係小學同學嘅蕭正楠戥佢好開心，問到有傳陳展鵬係雙喜臨門？佢話：「唔知喎，咁勁㗎咩佢？。」黃翠如又讚「阿嫂」單文柔越來越靚。

精選娛聞，喺晒《娛果》
http://fb.com/appledailyent