當年今日
關於我們

【8.5大罷工】男子灣仔跪求公務員罷工 盼用身體打動市民

蘋果日報 2019/08/02 19:32

灣仔公務員入境事務大樓8.5大罷工

網民發起8月5日三罷行動,日前有年輕人在荃灣、沙田及長沙灣鬧市跪求港人響應。今日就有人在灣仔入境事務大樓對外天橋下跪,呼籲公務員參加今晚的公務員集會及下周一的三罷行動。
黃先生昨日均有在入境事務大樓對開天橋派發有關公務員集會及罷工的單張,「今朝8點就開始,仲有啲銀髮族人士幫手」。選擇在入境事務大樓外派單張,是因為集中呼籲公務員出席集會,「好多唔同團體都已經出過嚟,難得公務員可以召集一齊,係好大突破」,希望公僕向政府反映他們的訴求。
直至下午12時許,黃先生就開始下跪,「派完單張但又好想繼續喺度呼籲,中間仲有兩個市民都有同我哋一齊跪」,亦有市民向他送上食物及飲品。
黃先生是下跪「初哥」,首次以下跪形式呼籲市民集會,自言「無咩可以做到,就諗住跪」。日前已有年輕人在不同地區下跪,有網民在討論區「肉緊」提醒「我哋都無錯?點解要跪!唔好跪!」黃先生就有另一想法,「希望用我嘅身體力行,除咗口講之外,都可以用身體去打動市民嘅心」。黃續指,自己並非向香港政府下跪,而是支持其他香港人,「希望大家可以團結起嚟」。
下跪半日,黃先生指有市民為自己流淚,但他坦言自己所做比前線抗爭者遠遠不夠,「我只係做到我能力做到嘅嘢。」

-----------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9