甄子丹被爆同前妻育有17歲大仔甄文卓（Jeff），更花千萬買豪宅畀兩母子住，子丹日前大方承認。近日亦有指他十多年前與前妻一家三口曾住藍田匯景花園，指他與兒子關係差，夫妻經常吵架。

甄子丹太太汪詩詩今日同溫碧霞等o係尖沙嘴出席環保活動，詩詩話：「我識佢o個時佢冇物業，但都畀o左前妻，我被佢感動，一對仔女好開心有哥哥。」至於子丹同前妻o係藍田住所成日拗交？佢話：「我唔知佢o地有冇成日嗌交，可能欠溝通，應該對個仔冇影響，當時佢仲細，BB喊可能要換片同飲奶。」