踏入1月份，本港馬壇焦點逐漸落喺一批四歲馬身上，因為四歲三冠王頭關經典一哩賽，1月21號就會舉行，上季莫雷拉就憑「佳龍駒」包辦晒三關，今季邊匹四歲新星會俾雷神睇中，可能跑完今日（1日）元旦賽事就有啲眉目。

第十場二班1400米，沈集成馬房「同樂日」上場初出1200米大熱倒灶，後上姍姍來遲只得第5名，但絲亳無損莫雷拉對隻馬嘅信心，佢講明上場1200米的確嫌短，今場增程上1400米亦唔正宗，言下之意仲要跑長多少少，但有咗上場熱身後，「同樂日」狀態有進冇退，相對起今場幾匹在港初出四歲馬「佳騰駒」同「喜歡笑」等，點都有少少着數。

今季經典一哩賽，唔少馬迷都估計到蔡約翰會強陣出擊，當中以莫雷拉騎慣騎熟嘅「當家精選」最為矚目，不少馬迷估計雷神經典一哩賽會騎「當家精選」，但雷神坦言自己高度評價「同樂日」，呢一刻仲未就經典一哩賽座騎作最後決定。「同樂日」今場跑成點，將會有重要啟示。

==============================================================
【minigame】2017瘋暈人物 返工打機唔使擇日
http://bit.ly/2CeWQkP