這天（8日）田草十場賽事用C跑道，度地儀指數2.69，場地掛牌為好地。如天氣情況許可下，將按計劃在第六場後進行壓地。

睇番最近5月11日同一移欄賽事，當日掛牌好地及度地儀指數2.71，雖然全日共有四駒一放到底，但亦有「靈鋒」、「越跑越好」、「歡樂小子」及「喜佳龍」後上勝出。

不過，無論係擺前抑或後上，頭馬均在彎位守內叠慳位留力，故此宜秤先中內檔馬，外檔馬要像「威力名城」及「團結精神」般夠快搶出才可克服劣勢。

今戰列陣馬中，第七場「喜佳龍」上仗正是於5月11日田草C欄勝出，贏完等番同一移欄再跑，睇部署決心求添食。

另外，尾場「牛角仔」跑田草C欄一次即勝，亦係全場唯一贏過此移欄之參戰馬，憑較佳場地性能應可坐位望贏。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX