韓國女團T-ara自上月起，隨着成員寶藍同昭妍唔續約，令T-ara由6名成員，變成只得智妍、孝敏、恩靜及居麗4位成員。

6變4嘅T-ara日前攜新專輯回歸，主打歌《What's my name?》更獲得很好嘅成績，喺噚晚SBS音樂節目《The Show》中更獲得第名，由於今次係T-ara事隔5年嘅第一名，所以成員都感到受寵若驚，當中眾人在台上喜極而泣，智妍更激動得半蹲喺地上，T-ara喺台上答謝粉絲嘅支持。

而噚晚成員孝敏已急不及待喺Instagram發文答謝粉絲，並留言：「事隔5年拿到第一名...我哋嘅粉絲畀嘅禮物，我哋充滿感激地收下了，睇到粉絲發來嘅文字，話2012年2月17號係最後嘅第一名，雖然曾下定決定唔貪念成績，但係真係得到第一名，真係開心到不行，喺現場，仲有外面為我哋應援嘅粉絲，還有工作人員全部都辛苦了。」

另外，孝敏今日亦都代表團隊接受傳媒訪問，對於奪得第一名，佢直言佢哋從未想過會叫自己嘅名字，又話：「因為我哋係第一名嘅候補，就喺那個時刻叫咗我哋嘅名字，並把獎盃遞給我哋，嗰刻真係冇乜實在感。」孝敏指粉絲比佢哋仲開心，仲即刻買咗蛋糕畀佢哋舉行慶祝派對。