【冇受裁員影響】黃芳雯冬至迎B女 蘇民峰批10幾歲入運旺財
蘋果日報 2019/12/05 15:50
蘇民峰黃芳雯入運
黃芳雯（Paula）、鄺芷凡（Omi）、盧頌恩、李尚正及蘇民峰等今日到粉嶺為香港開電視烹飪節目錄影，提早慶祝農曆新年。腹大便便的Paula，完成今日工作後便開始放產假：「預產期係冬至嗰日，不過我因為順產，心情都好緊張。啲朋友係咁約聖誕、新年活動，全部都唔使預我，我今年淨係專心等呢個BB出世。」
已育有一子的Paula笑指，大仔已經準備好做哥哥：「佢一開始已經好ready，有時又會摸下肚入面嘅妹妹，希望妹妹出世之後，都係咁錫佢啦。」她直言待妹妹出世後便封肚：「生仔、生女都要收工架啦。老公特別開心，因為佢第一胎想要仔，諗到好理想要同佢踢波，而家知道陪仔玩要好大體力，佢都話再黎多個仔都支持唔住，想要個女冧下自己喎。」
身旁的蘇民峰即場贈言，大讚Paula囡囡冬至前後出世，10多歲便開始入運：「入運嘅意思好實際，就係有錢，14、5歲未識搵錢架嘛，咁即係零用錢多咗，咁即係媽媽掂啦。」
Omi亦大讚Paula陀B陀得好靚：「禮物嗰啲我哋未諗，送上祝福先啦，睇下佢有咩需要就買。」至於她個人未有結婚生B計劃，笑言要多點時間準備。
另外，對於有傳有線裁員，Omi表示有聽聞，但暫時未有影響：「有同事會擔心，不過凡事正面啲睇，我覺得都OK嘅，我都有拍緊其他節目。」
採訪：盧妹
攝影：林賓尼
攝影：林賓尼
有線及香港開電視之前裁員，黃芳雯、鄺芷凡、盧頌恩仍然要開工錄影。
黃芳雯今日收爐，B女預產期喺冬至。
黃芳雯指老公湊完大仔知攰，希望阿女將來可以冧下父母。
蘇民峰指BB在冬至前後出世，10幾歲就入運，會帶旺父母。