「一早俾人嘈醒咗，望出窗外，見到天色紅紅哋幾靚，咪拎部相機出嚟影吓相囉，點知就俾我見到粒嘢飛過！」住在葵涌的冠層對Net神講，他愛用數碼相機或手機獵影，日前起床見晨光初現，便拿起手機向窗外拍照。「我見粒嘢飛過大概五秒，㩒咗幾張相，想拍片就趕唔切。」
冠層將圖片上載網絡，吸引網民熱烈討論，網民「天空霸主」說：「你真係好彩，咁都俾你見到，我咁大個仔都未見過一次。」「蛀書蟲」稱，「嘩！咁都俾你影到，厲害厲害！」不過亦有人質疑，「失戀pi」指出，「隕石表面好光滑，仲要幾大粒吓，會唔會係UFO呀？」網民「烙印戰士」表示不信是隕石，「我覺得假嘢嚟。」
Net神詢問天文台，發言人表示10月9日並無接獲任何目睹有隕石或不明飛行物體報告。發言人檢視照片後稱，由於照片質素模糊，難以斷定是否隕石。「一般隕石或流星都係一閃而過，好難捕捉到影像。」

他續稱，清晨時分飛機升降時，特別容易在雲層間留低「尾巴」，故不排除照片中的影像其實是飛機飛過的痕迹。而隕石落入大氣層幾乎每天也發生，晚上在郊外會較容易看到。
http://www2.2000fun.com/bbs/viewthread.php?tid=2712868&extra=page%3D2&page=1

《蘋果》網聞版請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]