消費權益越嚟越受重視之時,相信消費者委員會嘅工作都越嚟越繁忙,唔知啱啱獲政府再度委任為副主席嘅梁光漢(圖),意見又如何?
特區政府噚日宣佈,再度委任梁光漢為消委會副主席,任期兩年,10月7號、即係下周三起生效。
政府發言人喺新聞稿中話呀,梁光漢致力參與消委會工作,非常高興佢接受再度委任,相信佢會繼續帶領消委會,履行保障消費者嘅職能。
其實梁光漢曝光率好高,經常喺消委會記者會現身,交代測試結果,好似8月份咁吖,消委會測試咗10款LED燈泡,發現部份燈泡嘅壽命,根本同產品聲稱唔同,梁光漢席間表明此舉可能違反《商品說明條例》。