【就係呢條短片參賽】法拉包辦編導演化妝 羅樂林獻出第一次

蘋果日報 2018/09/14 19:01

陳法拉短片羅樂林辛丹斯電影節
    陳法拉自導自演嘅短片《人來人往》，佢仲做埋女露宿者，成功入圍今屆「辛丹斯電影節：香港短片比賽」（相關新聞︰ https://bit.ly/2xgNSRY），而呢個短片，佢仲搵咗昔日喺大台合作過嘅羅樂林做佢老竇，今次羅樂林唔使死，但獻出佢嘅第一次－－大聲講粗口。
    原來陳法拉同羅樂林，之前喺劇集《蒲松齡》合作過做爺孫，今次喺短片入面法拉情商樂林叔做父女，戲中父女水火不容，樂林叔仲動粗郁手打女，唔只動粗，仲講埋粗口添，樂林叔話︰「我第一次support一個演員去演呢個戲，今日喺我一生人嘅粗口都講晒，仲有我未試過咁大聲講粗口，係我第一次。」法拉接着話︰「係我寫嘅，係我唔好。」
    戲中法拉着住件毛毛公仔衫，佢話︰「第一次着毛毛公仔衫，好似大肚咁，行路要八字咁行，覺得前面有嚿嘢阻住，feel到大肚感覺，原來係咁。」好彩佢着住件衫咁厚，所以樂林叔打佢，佢話︰「打極都唔痛。」
    今次法拉仲扮演露宿者，佢唔單止素顏上陣，仲瞓街、唔洗頭、指甲綑黑邊，同埋用黃牙水搽啲牙，務求蓬頭垢面，佢話︰「因為冇budget，上至編、導、演，下至梳頭、化妝都要一腳踢，好有滿足感。」今年二月法拉會到美國參加影展，佢話：「作為一個香港演員，可以喺本地參加比賽係非常難得，感謝大會不斷支持年青嘅電影人才發揮所長。」法拉透露現時正創作新劇本，暫時以做演員為主要嘅工作，未來有機會都樂意參與幕後創作。
    精選娛聞，喺晒《娛果》
    http://fb.com/appledailyent
    empty
    兩人喺短片中做父女。（影片截圖）
    empty
    羅樂林動粗打法拉。（影片截圖）
    empty
    樂林叔話戲中講咗佢一生人嘅粗口，法拉笑言係佢唔好。（影片截圖）
    empty
    陳法拉扮演露宿者。
    empty
    法拉瞓街。（影片截圖）
    empty
    法拉話用黃牙水整黃啲牙。（影片截圖）
    empty
    吳肇軒同法拉合作。