何家淑女靚女多,所以賭王同幾位太太嘅仔女入面,都係何家淑女新聞多啲。
不過其實何家嘅公子一樣靚仔有叻仔0架!好似四房梁安琪囝囝何猷君咁,而家就喺美國讀緊書,仲係喺全世界排名第五嘅MIT,即係麻省理工呀!
雖然猷君貼出嚟嘅筆記睇落都OK悶,不過其實佢生活都幾充實,今日佢就貼返早前生日比同學掟蛋糕嘅相出嚟,前幾日又同幾個女同學去唱K,又去睇吓騷咁。
呢啲生活照睇嚟就同一般留學生差唔多,不過猷君成日有機會同網球名將打波,呢啲機會就不是我同你的喇,同猷君打過波嘅有啱啱攞到澳網女單冠軍嘅李娜,又同澳洲老將曉域治簽名合照,真係令人羨慕喎。
爛片界盛事、由本報娛樂版舉辦嘅第九屆「金話梅電影選舉」(GoldenPlum)又嚟喇!請即click入網址投票,喺香港電影金像獎舉行之前選出爛片之霸!
↓↓↓
http://campaign.appledaily.com/goldenplum