周秀娜、呂慧儀及黎諾懿主演的懸疑新片《惡胎》，講述飾演護士的周秀娜為搶走呂慧儀的丈夫黎諾懿，用盡方法令她小產，結果引發連串驚恐事故。在戲中做第三者的周秀娜，直言現實中絕不能接受男友花心，過去更試過在街上掌摑一腳踏兩船的男友。

首次擔正電影女主角的周秀娜（Chrissie），在戲中介入呂慧儀與黎諾懿的感情，她與黎諾懿在片中有兩場激咀親熱戲，Chrissie說：「我第一次拍咁激嘅戲，除咗咀，黎諾懿又伸隻手入我裙底，拍之前大家有試位，佢有同我講點做，令我拍得冇咁尷尬。」

黎諾懿稱尷尬

Chrissie雖然在戲中做第三者，但她強調自己現實中不能接受男友劈腿，不過她曾不幸跌入三角關係，Chrissie說：「試過遇過一個男朋友好花心，自己直覺感覺到，但係選擇信佢，最終喺街俾我撞到佢同第二個女仔一齊，我好嬲當場打佢一巴。」她謂與該名花心男當然從此沒朋友做，至於現任男友，她甜絲絲地說：「家呢個OK。」
黎諾懿這次與引死電車男的周秀娜拍咀戲，加上二人的親熱戲甚多身體接觸，他坦言感到有點尷尬。黎諾懿說：「第二日拍戲已經要拍親熱戲，不過我覺得大家唔熟會好啲，太熟驚人哋誤會，我同Chrissie嘅做愛場面，佢性感又惹火，好在我都見過吓世面。」至於在片中飾演黎諾懿老婆的呂慧儀，表示自己很怕靈異事件，幸好戲中扮演小鬼的小朋友甚為可愛。
採訪：張俊銘
攝影：陳慧安
化妝：[email protected]
髮型：[email protected]、WardrobeJFI（周秀娜）