唔少香港人係大嘥鬼，有啲物品用咗一陣就唔用，環保團體綠領行動有見及此，舉辦《綠領奇兵Amazing Greeners慈善賽》，以此推動港人生活環保啲。

賽事以城市定向比賽形式，參賽者要根據提示卡，按次序到設喺港島區嘅8個檢查站，完成唔同環保任務。至於係乜嘢環保任務？八方當然唔可以洩露天機，但可以俾貼士示，其中一個檢查站「菜菜園」設喺工廠大廈天台，大家估唔估到有乜環保任務？

活動分企業隊同公眾隊，企業隊以3人為一組，籌款額須7千元或以上，或以贊助形式組隊支持；公眾隊就2人為一組，籌款額只須9百元或以上，本月30日截止報名，綠領行動估計約150人參與，詳情可瀏覽： www.greeners-action.org/amazinggreeners。