越近煞科，鬥志成為重要揀馬元素，從晨課、報名馬數目，漸覺好些馬房，大致已收爐等下季，你不爭，人爭，也有些早部署少數的馬，趁機出擊。

沈集成、葉楚航及文家良，最近頻有馬贏，每次維持一定的出馬數目，屬季尾可留意的數個馬房之一。

沈集成今期（28日）有八匹馬跑，文家良及葉楚航分別有六、五匹參戰馬，各自排出不弱的陣容，當中不少是谷戰專家。

今次三班千二米及四班一哩，拆開成四場，沈集成全部有馬跑，當中三班千二兩組的兩駒均算密跑，沈集成的首選報名出賽馬是「育成寶貝」，次選是隔七日再戰的「理想回報」。

「育成寶貝」季內已曾贏兩場，想不到來到季尾仍在趕場，雖不肯定是否想等減一分，留待重返四班才再郁手，只覺沈集成，仍有意再用。

上仗傷癒復出，賽前停操超大半個月，跳數課報一千，用黃皓楠，擺明唔係路，但「育成寶貝」確實鬥心、忠心俱備，末段依然交出一段頗強追勁，僅次頭馬「財神」第二快時間輸近，表現絕不差。

賽後迅速復課，日日見，埋門有跳，絕對是好兆頭，縱使不排除多等一場，留待落四班才再郁，若不，身處今次這場三班弱組千二，絕對有足夠競爭力，準備了兩注本錢，到時定會先買一注。