【本報訊】距離6.23政改表決只有四日，民主黨主席何俊仁昨日公開呼籲，特區政府若接受民主黨區議會改良方案，就應盡快公開相關細節，並考慮押後表決，讓該黨能有充份時間討論。對於民建聯、自由黨相繼轉軚，何稱未敢樂觀，指不少保守人士反對聲音仍很強，「（民主黨方案）未必一定擺到上去表決」。
何俊仁昨日在立法會回應記者查詢時指，民主黨最希望特區政府若接納該黨區議會方案時，能清楚交代區議會功能組別的提名門檻，不會高於現時區議會功能組別議席門檻。

何俊仁預咗俾人鬧

問到是否擔心政改方案一旦通過，今屆政府將「放軟手腳」，不再積極爭取普選路線圖，何指：「正正因為係擔心，所以更加要攞咗啲嘢先。」他指現時最重要是爭取「階段性實質成果」。
何俊仁強調，民主黨今次讓步不等於放棄爭取終極普選，相反若繼續否決方案，亦難以取得突破，更可能令中間平和的民主派支持者感到厭倦，「啲人會變得冇興趣，個光譜只會越嚟越窄，支持啲人會越嚟越激進，溫和啲人就冇興趣」。他相信民主黨投票取向亦不會影響日後與其他泛民合作，「就算俾人掟鞋、俾人鬧、俾人吐口水都唔緊要，我會出去見佢哋，我唔會縮去地鐵站走嘅」。