20歲港女麥紫莉(Chili)，日前終於承認赴日本拍AV全屬虛構，目的得一個，就係一夜上位可以賺多啲外快。

事件中，Chili指條AV橋係舊經理人公司度出嚟，自己只係配合，一直擔心會俾人拆穿，同時預咗自己會背負「大話精」呢個名(新聞連結： http://bit.ly/2jpiX2i )。

事件發展至今，唔少網民都批評Chili急功近利，為博上位連AV橋都諗得出。至於藝人沈震軒，更喺IG貼出報道，留言直斥Chili將成件事，講到唔關自己事咁。沈留言話：「點解o依家啲人可以將講大話務求接多啲Job講到好似唔關自己事，同合情合理咁。真正想入行做藝人為何不從正規，從低做起？（入TVB訓練班、讀演藝學院、又或者參加歌唱比賽）佢而家呢個行為真係幾教壞年青人。請不要將歪理合理化。甚麼xx公司策略？真的不知所謂！（其實我作為藝人真的唔應該出聲批評別人，但係我真係睇唔過眼！）」