連詩雅同Anthony(石恆聰)喺2014年拍拖，上年宣佈分訊，但12月秘密翻撻，今年2月又再分手，三年間離離合合，盛傳係Anthony覺得連詩雅未玩夠先決定分開，今日有報道指，連詩雅一直想復合，就算已讀不回都照樣係咁搵，知Anthony比較心軟，即使知道阿Sa同Anthony一齊，佢都冇放棄，之不過石母同Anthony阿哥家姐比較喜歡阿Sa，覺得阿Sa有本事搵銀，而唔係貪阿仔啲錢。

之前傳係阿Sa同Anthony「紅娘」嘅馬天佑，今日回覆《蘋果》留言：「冇嘢回應喇！最緊要朋友開心啦！」

連詩雅對Anthony「不離不棄」，有報道指，本來都係富家女嘅連詩雅，因為爸爸生意失敗，又拋棄佢兩母女，連詩雅同媽咪住喺灣仔劏房，直至2014年識到Anthony，兩母女搬咗去月租5萬嘅畢架山龍景樓，出入有車接送。o依家同Anthony真係分手，未知「灰姑娘」會唔會打回原形。