據德國《圖片報》報道，效力科隆嘅前鋒莫迪斯迪同意以3,000萬歐元嘅轉會費，加盟中超球隊天津權健，並且將會簽約3年半，而29歲嘅莫德斯特預計會喺權健獲得超過3500萬歐元（約合2.7億元人民幣）收入，呢啲收入包括人工、獎金，以及特別款項，咁嘅待遇唔單止喺科隆，喺整個歐洲都係難以想像嘅。科隆總經理史杜加話：「我哋拒絕咗權健嘅報價，諗住權健會再出價嘅時候，莫迪斯迪就打電話嚟話想見面，因為有嘢想同球會傾傾，我已經有晒心理準備，知道佢想傾乜嘢。」