董事局成員之一的民建聯葉傲冬透露，上月董事局開會時得悉香港故宮博物館將落戶西九，他對建館表示歡迎，認為可以讓香港人近距離接觸到故宮藏品，認識中國傳統文化，亦有助提升西九形象。他指博物館選址原本是用作大型表演場地，不過未有落實日期，故現時改為起博物館都不會有影響。但藝發局候任音樂組委員周博賢就批評藝術界多年向政府爭取增加資助都不得要領，如今又將原本規劃作表演場地的地方，改為用來興建故宮博物館，「既然政府可以揼馬會心口，點解唔可以搵馬會資助起表演場地呢？」

周博賢質疑，興建故宮文化博物館「政治意義大於一切，係咪畀人用嚟做換選特首嘅籌碼？用來向選委攞票？」他不滿當局似乎從未就建議諮詢過業界，相比今次建館花費達35億元，港府全年用於文化藝術界預算卻只有僅僅40億元，「即係差唔多用一年嘅資助，去起一樣本地文化界未必可以直接受惠嘅嘢，係咪使得其所呢？」

除了霸佔表演場地外，葉傲冬透露博物館亦會佔用少量苗圃公園用地。他又認為博物館功能上不會與M+博物館重疊，「M+首先本身冇故宮藏品，而且M+仲摸索緊藏品嘅定位，相信可以兩者互相配合。」