簡炳墀做過五屆冠軍，練馬一定有其個人之處，但我認為他能聘得雷誠為主帥，幫了阿簡一大把。雖說告東尼是技術全面的冠軍級騎師，但如要與雷誠分高低，我覺得還是後者以點數佔先，因為雷誠騎馬真的夠勇夠狠。
如果你想讚阿簡夠眼光，識得到南非揀到弗馬雷誠，不妨先聽我講以下故事。
話說阿簡請雷誠的第一季，暑期後我從紐約買馬回巢，當時尚未知雷誠為何許人，有一朝我與阿簡在欄邊打牙骹，咁啱雷誠騎馬走過，我問阿簡呢嗰係咪你個主帥，佢答係呀，黃毛(莊士頓，當時的賽馬事務司)係介紹人，佢仲話雷誠未到前，一直以為佢係黑人，因為阿簡覺得南非應該黑人多過白人!當時我剩係識笑，不過最後都答咗阿簡一句，望埋去雷誠一副打仔格，應非泛泛之輩。
大家尊稱簡炳墀為「食力(實力)簡」，他亦有足夠斤兩受得起，不過在「食力」背後，看來還是要靠一點運氣及貴人(莊士頓)扶持，對嗎?

詳盡內容可留意明日<<蘋果日報>>及蘋果馬網 http://hk.racing.nextmedia.com