荷李活金童玉女拉埋天窗喇！奧斯卡得主艾莉西亞菲瑾德（Alicia Vikander）同「磁力王」米高法斯賓達（Michael Fassbender）被指下月將赴西班牙伊維薩島秘密結婚。28歲嘅艾莉西亞同40歲嘅米高，因為2014年拍《愛在海的邊緣》（The Light Between Oceans）而撻着，一直以來都相當恩愛。

有指佢哋打算將婚禮成為「年度派對」，米高將會負責全部費用，而消息人士指佢哋會邀請賓客飛到伊維薩島，並將接載佢地到酒店觀禮。其實佢哋拍拖以嚟都非當親密，早前艾莉西亞更搬到英國同米高同居，而米高係從未試過同女朋友同居，可見佢哋早已認定對方。