當年今日
關於我們

【分享成果】《紅海》大陸收24億票房 林超賢豪請員工到日本旅行

蘋果日報 2018/03/01 17:53

林超賢紅海行動杜江

林超賢導演電影《紅海行動》噚晚喺銅鑼灣時代廣場舉行電影分享會,演員蔣璐霞、杜江同麥亨利等均有出席,林導演指呢部新年上影嘅電影大陸已收得24億票房,佢話:「好開心,收到好多前輩祝賀,呢部係令我好自豪嘅一部電影,都拍得好辛苦,演員同幕後人員都做咗好多嘢,嚟緊我會請10幾位工作人員去日本旅行。」問佢係咪資助任買?佢話:「日本就唔得嘞,任食就冇問題,使費3、40萬左右啦!都唔使老闆(楊受成)津貼嘅,大家都做得辛苦,由頭撐到尾,好辛苦。」林導演仲話o依家同張家輝傾緊一部警匪片。
另外,女主角蔣璐霞話今次拍呢部電影令佢身心到咗極限,佢話:「今次真的很辛苦,戲拍完半年有多,現在還要看中醫,因為內分泌失調,已經十個月沒有來經,也不夠膽跟媽媽講。未來要揀些比較輕鬆的工作,等自己輕鬆一吓。」而杜江指自己為呢部戲保持最好狀態,佢話:「第一次拍槍戰電影,因為不想導演為我擔心,所以自己預早一個月去鍛練。」問到今次嚟香港有冇搵陳小春聚舊?佢就話:「知道小春去旅行了,我的工作也編排得很密,所以沒有時間見面。」問到有冇畀囝囝嗯哼睇呢套電影?杜江就話:「我自己看了6次,兒子都會睇,拍的時候也有將短片跟相片傳給兒子看,他真的以為我去當兵了,真是去打壞人,他還說長大後要當軍人。」
精選娛聞,喺晒《娛果》
http://fb.com/appledailyent
empty
林超賢導演電影《紅海行動》噚晚喺銅鑼灣時代廣場舉行電影分享會
empty
演員蔣璐霞、杜江