據知入局富二三代尚有楊受成二公子楊政龍。除咗商界,亦有政界新一代上位,最受矚目嘅當然係民建聯竟然打孖上,有指立法會議員劉國勳同深水埗區議員鄭泳舜都榜上有名,政途一直向北上。但可能大家更關注嘅係聖公會教省秘書長管浩鳴盛傳有份,如果諗吓佢係團結香港基金顧問,就知道佢就算獲推薦都唔令人意外。
至於離場嘅仲有華人置業劉鑾雄前女友呂麗君,其實呂麗君上屆先入局,短短一屆就要走人,似乎有啲權力同地位,同一啲身份係不可分割。計埋留任嘅信和集團黃永光、恒基地產李家誠、九倉吳宗權同郭鶴年千金郭惠光等,北京市政協續成富二三代樂園。但有政界中人就話,雖然北京市政協聲望上好似高人一等,但冇廣東省政協代表等有中港車牌咁實際!
李八方