張致恒借到通街數 苦求債主放過： 疫情下被炒過好多次
蘋果日報 2021/01/27 19:32
張致恒Naomi馮鎵瀠區燕雯欠債不還
張致恒（Steven）原本前年有望復活Boyz在紅館開騷，臨開騷時被揭曾一腳踏五船，隨即遭舊愛群起圍剿，罵他欠債、說謊、不負責任、玩弄女性，莊韻澄早前也哭訴被他屢次偷食傷得很深。之後臭史越揭越多，「媾女」期間多次問女友們借錢，東窗事發後惟有厚顏向關智斌（Kenny）和鄭希怡（Yumiko）借錢解財困。
原來Steven債主不止舊愛們及舊同事，還有林盛斌（阿Bob）、張彥博、馮鎵瀠（Naomi）、新城DJ林柏希等圈中人，Naomi更公開怒斥Steven有錢請外傭沒錢還債，今日Steven在社交平台回應事件，解釋一切都是生活艱難，務為自己開脫，他指早在一年多前，因為自己做錯事，導致工作停頓，因而完全沒收入，迫於無奈下向多位朋友借錢，感恩得到他們出手相助渡過難關。
Steven呻在疫下搵工難：「試過搵過好多工做過好多唔同嘅行業，因為疫情影響下被炒過好多次，我有努力工作搵錢希望可以支撐到屋企之餘仲可以還到錢畀朋友，但係而家嘅路實在太難行，工作完嘅收入都唔夠屋企開支，想淨少少錢還畀朋友都唔得，令到有好多朋友都好唔開心，我喺度要同所有借過錢畀我嘅朋友道歉，一直以來我都還唔到錢畀你哋真係對唔住，喺嚟緊嘅日子我一定會盡力去工作還錢畀你哋！」
對於窮得還有錢請外傭，Steven回應：「係兩年前已經請嘅，我老婆所講嘅電器係用電話儲落嚟嘅積分換嘅，兩個仔着嘅都唔係名牌，加上好多佢哋嘅玩具同衣服都係佢哋阿婆同一啲朋友買來送畀佢哋，至於點解唔搬返觀塘住，係因為阿爸阿媽嗰度係屋邨，而我哋有三隻狗，屋邨唔畀養狗，老婆養呢三隻狗都已經五年以上，如果要搬返去住就唔可以繼續養佢哋，所以先搵村屋住。」
現年36歲的Steven和女fans區燕雯奉子成婚，去年第二個囝囝亦出世，沒工開的他卻繼續和太太生小朋友，經濟壓力自然百上加斤，他解釋要照顧一個家庭壓力非常大：「我亦都好努力去重新做人，只係希望大家可以畀啲機會我，同埋畀啲時間我，我一定唔會再令到大家失望！」此外，Steven太太雯雯為免受到騷擾，急忙將IG賬號轉為非公開，兼刪掉所有post。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！