美國歌手Beyonce日前透過Instagram報喜，公開一張摸巨肚的照片，透露正為丈夫Jay-Z懷雙胞胎。雖然Beyonce就嚟要應付兩個B，不過佢都不忘為5歲囡囡Blue Ivy嘅將來計劃。據美國娛樂網站TMZ透露，Beyonce已經入紙將囡囡全名Blue Ivy Carter申請成為專利，日後用於美容產品、香水、頭髮產品、電影、音樂或fan club，為女兒打造事業王國。

其實Beyonce於2012年已經想將Blue Ivy呢個名註冊為專利，不過被法官拒絕，因為已經有婚禮籌備公司用咗呢個名。Blue Ivy平時成日跟阿媽周遊列國，研究阿媽用嘅化妝品及時裝，睇嚟佢好快就成為時裝界神童。