你幾時見過何家淑女，喺香港街邊夾仔餅、食豬扒包？超蓮行台灣夜市勁擦就有，超盈……好似難啲，但係喺澳門就可以。

超盈接受《蘋果》獨家專訪期間，大談目前要幫手打理屋企生意，成日要香港、澳門兩邊走，但亦因為咁，多咗時間喺澳門，變相多咗機會捐窿捐罅掃街頭小食：「不過我就唔會成日有時間出嚟食，會叫同事買返office畀我食。」

超盈就帶咗《蘋果》去大堂斜巷附近食街邊夾仔餅、菠蘿豬扒包、木糠布甸，佢都幾擦得，仲踢爆阿媽四太好鍾意食菠蘿包：「佢食菠蘿包好特別，會用手壓扁個包，等面個層碎皮黐實個包，唔會跌落嚟。」

賭王係英國、荷蘭同猶太嘅混血兒，識講法文、英文同葡文幾國語言，超盈就話對外語有興趣，識講意大利話：「意大利話同葡文好多相似。」叫佢示範幾句葡文，佢都膽粗粗教大家講幾個生字，不過笑笑口講明自己都驚記錯，justforfun。

若然求正確讀法，問返喺澳門住咗好多年嘅Soler孖仔可能穩陣啲!

好味=Muitobom
多謝=Obrigada(女性文法)
多謝=Obrigado(男性文法)
靚仔=Muybonito
靚女=Muybonita
再見=Tchau