艾美琦(Amy)同綠魔許嘉浩(Karl)今日喺西貢為網台面包台主持節目，邀請咗8位性感女模着比堅尼出海大玩遊戲，8位女模奇招盡出，各自擺甫士搶鏡，36G奶羅雲琦(小紫藤)夾胸俯身、D奶王家淇咬唇兼高潮眼，佢哋仲一齊擘腿打功夫，認真騎呢。

講起麥紫莉借話會拍AV上位，Amy同Karl都話認識對方，Amy話：「我想稱讚佢經理人，用呢個宣傳手法好叻，我心底都覺得佢係唔會拍嘅，內地登台都可以搵到錢，如果想搵錢就搵我啦。」身旁嘅Karl就笑問係咪教麥紫莉做人體盛？Amy就話：「佢個胸都夠晒啦，我唔會叫佢拍AV，最多係拍三級片啫。」而Karl就覺得紙包唔住火，唔應該呃人，o依家損失咗更多搵錢機會，因少失大。

另外，今日8位模特兒中，只得23歲嘅G奶小紫藤早前就被指係徐少強嘅第三者，佢今日就澄清話：「佢都講咗當我係細妹，我哋一年合作拍3部電影，因拍戲認識嘅，第一部戲我做佢秘書，都有情侶關係，但係冇戲假情真，我好專重佢，當佢係師傅同哥哥，新聞唔係我炒作嘅，我未認識佢前已經有800幾萬粉絲，唔需要靠佢上位。」佢仲話因為呢件事，徐少強太太都有打去鬧佢炒作，仲被封殺。

另外，王家淇係電影《有罪》（改編自李宗瑞案）女主角之一，佢透露戲入面好多裸露鏡頭，係佢嘅第一次，自己亦唔介意拍全裸戲。而王沫兒就自爆之前喺機場撞到前男友後，佢聲稱前度嘅現任女友搵人打佢，搞到有18處傷痕，仲話已經報警，不過前男友求情，o依家不再追究。