當年今日
關於我們

隔牆有耳:無綫新聞小花跳船 - 李八方

蘋果日報 2012/03/20 00:00


狼振英上場,象徵一個白色恐怖時代嘅誕生,傳媒人跳定船都係時候。八方聽聞,無綫小花郭詠嘉,4月就會告別TVB,轉去機場亞洲博覽館做公關。03年喺中大畢業嘅郭詠嘉,先後喺商台同無綫效力;最為觀眾記得嘅事迹,相信係09年喺維園採訪7.1大遊行嘅時候,俾示威者指住鬧「無綫新聞,事事旦旦」,仲做出不文動作,企喺採訪車頂嘅佢好受委屈,兩度落淚。
郭詠嘉舊年開始兼任六點半新聞報道主播,專責規劃新聞嘅佢前途應該無可限量;今次跳船,究竟係唔係顯示佢對香港傳媒業前景冇信心?八方真係唔知,只希望7.1後續有新聞自由。