【新增內容及相片】

孕婦應否做太劇烈嘅運動，相信呢個課題都受到好多準媽媽嘅關注，今日懷胎8月嘅Coffee(林芊妤)就喺ig度貼咗一張佢倒立嘅相，就引嚟好多網民嘅討論喇！

Coffee懷孕初期，身形上變化不大，令到好多孕媽媽嘅羨慕，佢仲不時喺社交網貼出做運動同玩瑜珈嘅相、短片，當時都有好多人提醒Coffee要小心，到今日佢貼咗做倒立嘅相，睇落又真係好驚險喎！有網民大讚Coffee犀利，亦羨慕佢大肚依然見到馬甲線等等。

但亦有網民質疑大肚可以做倒立咩？亦有網民話：「有無諗過失手後果會係點，為了影一張相值得咩」、「Will affect the baby positioning or not？」、「難到唔高，但肚入面d臍帶有機會因上下倒轉育動纏住bb喎。」更有網民覺得Coffee此舉乃為呃Like，引起網上一翻激烈爭辯。而亦有網民指有做瑜珈嘅人都知道這不是太高難度嘅動作，可能係華人嘅思想比較保守。

之前Coffee話過胎盤前置，可能要開刀生B，佢話：「醫生都話留喺香港休息吓好啲，不過佢話一定唔關我做運動事，可能我之前做過子宮手術。」

此外，明天29歲生日嘅Coffee，今晚就約咗一班女性朋友慶祝，仲俾嘅朋友好肉緊咁錫面，Coffee亦留言：「扁啦！」

精選娛聞，喺晒《娛果》
http://fb.com/appledailyent