隨着人氣韓劇《經常請吃飯的漂亮姐姐》（漂亮姐姐）嘅完結，唔少劇迷都要另覓心水劇集日煲夜煲。上月都有唔少好劇出籠，好似Rain嘅《Sketch》同埋李準基嘅《無法律師》都幾有睇頭。而今個月都有唔算多韓劇推出，當中以「雙朴」朴敘俊和朴敏英主演嘅《金秘書為何那樣》被睇高一線。

(一)KBS《你也是人類嗎》（首播日期：6月4日）
韓劇《你也是人類嗎》以機械人做題材，並由徐康俊、孔升妍等主演，故事講因為一場意外而陷入昏迷嘅富三代，身為富三代嘅阿媽就製造出一個智能機械人來代替佢，因而捲入咗家族嘅權力爭鬥中。劇集仲遠赴到捷克取景，認真大手筆。

(二)tvN《金秘書為何那樣》 （首播日期：6月6日）
《金秘書為何那樣》係改編自同名人氣漫畫，劇集將由朴敘俊、朴敏英等主演，講述富二代兼集團副會長朴敘俊，以及佢身邊能力滿分嘅女秘書朴敏英之間嘅故事，朴敘俊呢位霸氣副會長非常自戀，但朴敏英就唔多領情，經常大潑冷水。睇宣傳片已覺劇集輕鬆惹笑，加上導演曾執導過《今生是第一次》及《一起吃飯吧》嘅導演，令到劇集更加有質量保證。

更多韓流，喺晒《娛果》
http://fb.com/appledailyent