鞋王李子彬高價購入英女皇愛駒Peacock,當然受注目,不過同類舉措以香港馬主而言,其實早有前科。近年先曾有兩匹英國自購馬「彩虹幻影」及「滿地金」曾經在港服役,佢哋來港前都係英女皇名下,不過兩駒同樣名大於實,尤其後駒在港13戰零上名,搞到馬主蝕大本離場,前駒則較為醒神,起碼在港拎到兩W三P。
「彩虹幻影」及「滿地金」某程度上同Peacock亦係一脈相承,事關當年在英國訓練佢哋之英國名宿向能,正正就係後駒目前練馬師向禮倫之父,究竟囝囝訓練出嚟嘅馬叻啲,抑或仲曳過老竇,咁大家就要留意Peacock新季在港表現嘞!