劉嘉玲啱啱新婚，前日佢就同老公梁朝偉分開，自己飛咗去北京，噚日仲接受咗搜狐網專訪，佢同主持講噚日到北京，約咗好友王菲夫婦同胡軍見面，呢次佢會提早幫下周五生日嘅阿菲慶祝。
對於阿菲老公李亞鵬喺曼谷機場打人，嘉玲話：「北方男人有一種北方男人的豪邁氣概，這次亞鵬打人也是北方男人本能保護家人的一種表現，我支持他，但是我不覺得他打人是對的，但是他這個動機我能理解。」

獲贈奧運門券

嘉玲同偉仔結婚後，對於生孩子嘅問題，佢話：「我想小孩子還是看緣份吧！如果有的話，我也會接受。」主持問到當年佢喺無綫訓練班出嚟就認識偉仔，印象係點樣？嘉玲話：「那時候他工作很認真，他是我的師兄，感覺挺花心的。」但後來拍拖後，兩人愛得激烈，嘉玲話：「不光是愛，我覺得是疼我，我覺得他是寵我，可能我喜歡玩，我又很活潑，又喜歡旅遊，他都接受。」
問嘉玲點解唔戴結婚鑽戒？佢話：「那個鑽戒太大啦！我要找適合的場合才戴，我不想大家一直停留在我的婚戒是多大、多少錢的話題，他送給我的動機是最可愛的，我說過了，我最漂亮的飾物，就是我心愛男人的手臂，我已經有了。」訪問結束後，搜狐將今屆奧運會排球決賽賽事入場票送畀嘉玲，搞到嘉玲好開心，原來佢對排球賽好感興趣。